#الحلقة_6
ديك الليلة عيطت لداك الراجل لي منعرفوش قلتلو بلي غدوة رايحة لداري و حكيتلو واش صرا فالحقيقة محبيتش نروح و حبيت نقعد في دارنا غير باش نحكي مع داك الرجل حسيتو حنين معايا و يهتم بيا و انا حسيت روحي بديت نوالفو و في نفس الوقت خممت على ولادي قلت مهما كان باباهم و يكبرو مع يماهم و باباهم خير قالي ان شاء الله يكون هداه ربي و قالي اي شي صرا معاك عيطيلي قلتلو ان شاء الله غدوة منداك نضت صبح لبست حوايجي لبست دراري و قعدت نستنى في راجلي ،حتى للعشية باش جا دقدق فالباب خرجت ليه ماما قالتلو دخل قاللها مندخلش عيطيلها جي باش نروحو خرجت ليه قالي ايا نروحو جا مع صاحبو يديني رحت معاه و فطريق صاحبو بقى غير يشوف فيا فالمرايا حتى تقلقت وبديت ننسف ، لحقنا للدار و انا خليت الماكلة تاع دراري في داري و قلت ل ماما كي يخصني لحليب ول ليكوش بعثيلي المهم ديك لعشية لقيتو قضى شويا درت لعشى جا تعشى و مهدرش كامل معايا فليل رقدو دراري عيطلي قالي ارواحي لصالون نحتاجك رحت ليه بدا يقر.ب ليا و يمـ.س فيا حتى صرا لي صرا كي كمل قالي نتي هدا لواش توالمي انا تشو.كيت قلتلو على هدا لي جبتني قالي ايه نتي منهار تاع اليوم نتي ق… تاعي قلتلو لهلا توصلك يا لح.مار بصراحة ديك اللحظة عفـ.تو رحت لشمبرتي غلقت الباب و رقدت مع بناتي و انا غير نبـ.كي هو رقد فالصالون غدوة منداك الصبح نضت دوشت امبعد جا لعندي شدني من يدي حتى و.جعني و جا خارج قلتلو جيب معاك الخبز و لحليب قالي معنديش و خرج قعدت ندور حتى لقيت وحد الكا.شيات مخبيهم فوق فريجيدار جبدت تلفون عيطت لداك الرجال وليت اي حاجة تصرا معايا نعيطلو قلتلو لقيت كا.شيات قولي واشنهم قالي كيفاش دايرين وصفتهوملو قالي هادوك مخد.رات انا تخـ.لعت قلتلو صبت كيفهم خطرة في حوايجو قالي ربي معاك و سيي جاهليه و كاش مخصك قوليلي قلتلو هاد الساعة الحمدلله ايا كملت نهاري مع بناتي حتى وين جا لعشية قلت نهدرلو مي خفت منو قلت نقولو جبدت دوك الكا.شيات وريتهوملو و قلتلو هادو واشنهم قالي ياك قلتلك كا.شي تاع الراس قلتلو انا جامي شفت كاشي تاع الراس قالي ونتى وين تعرفي امبعد قلتلو هادو مخد.رات در.بني بـ.كف و قالي نتى وين تعرفيهم موالفا تاكليهم قلتلو ماشي جا.يحة كما نتا و بدا يضر.ب فيا و يبز.ق عليا خلاني فدار و عاود خرج جبدت تلفون وعيطت لداك الراجل شكيتلو و بكيـ.تلو فرغت قلبي قالي دك توجدي روحك و رجعي لداركم وبلاك تزيدي دقيقة تما قلتلو منقدرش و بدا يعـ.يط عليا قالي ربع ساعة جي لمرا تديك وجدي روحك انا خـ.فت نخرج من الدار و قلت لوكان نخرج موحال يخليني نرجع و نبقى غير مع بناتي في دارنا و بابا ميقدرش يصرف عليا و قلت هاد الراجل مراحش يدوملي بلاك يعاوني يمات و يروح قعدت غير نبـ.كي امبعد عاودت رفدت تلفون عيطتلو و صراحتو و قلتلو بلي نتا مراحش تبقى تصرف عليا حياتي كامل و يجي نهار وين تروح قالي و لوكان نقولك راح نصرف عليك حياتي كامل تروحي دك لداركم بقيت غير ساكتة قالي وجدي روحك دك خمس دقايق تكون المرا عندك توصلك لداركم انا مفقتش كيف وجدت روحي بالزربا رفدت بناتي فتحت الباب باش نخرج حتى نلقى راجلي عند الباب…..يتبع
الحلقة السابعة