#الحلقة_8 ماقبل الاخيرة
داوه لابو.ليس امبعد عيطت لداك الراجل قلتلو قالي الحمدلله متخا.فيش ، فريمو ولا يديرلي الكوراج و والفتو بزاف بلا منعرفو كان ديما حنين عليا و يهتم بيا و صابر معايا فكل الضروف بعد نص ساعة جاو لابو.ليس لدارنا داو معاهم بابا قالولو جي نسمعوك بابا راح معاهم انا خفـ.ت ، عيطت لداك الراجل قلتلو قالي متخا.فيش يدوه يسمعوه و يقولولو ادا حب يقدم شكـ.وى ضدو انا رتحت حتى وين جا بابا قلتلو بابا واش صرا قالي لقاوه مخد.ر ماشي في عقلو و لقاو عندو المخد.رات و قالولي ادا تقدم شكو.ى ضد.و انا قلتلهم لالا منشكـ.يش بيه مي ميزيدش يولي لدارى عند بناتي ايا امبعد بابا قالي و قالولي تاني حنا راح نعا.قبوه بسك لقينا عندو المخد/رات امبعد قلتلهم هاديك خدمتكم و قالولي روح لدارك بعدها عيطت لداك الراجل بصراحة كنت مقبل نعيط غير ل نسرين مي هاد الراجل ول اجمل حاجة في حياتي وليت نعيطلو غير ليه نحكيلو و نشـ.كيلو ، حكيتلو قالي الحمدلله دك تتهناي قلتلو ان شاء الله ايا كملت عشت حياتي عادي مع بناتي و والديا كنت مرتاحة و خدامة في دارنا مي كان عندي ضـ.غط نفـ.سي بسبب المشاكل لي كانو عندي و زدت سمعت انو زوجي حكـ.مو عليه 5سنين حب/س اما طلا.قي الجلسة الاخيرة فصلو فيها و عطاوني الحضانة ليا انا فرحت و في نفس الوقت غاضوني بناتي يعيشو بلا باباهم المهم حتى وحد النهار قالي داك الراجل كاين طبيبة تروحي جوزي عندها و ديك لمرا هيا لي تديك و جيبك حتى نهار تبراي وليت نروح نداوي و مع الوقت بديت نتحسن حتى بريت و الحمدلله بعدها حسيت روحي مرا وليت نعتني بروحي و نلبس و متهليا في روحي و نسيت كامل واش عشت بناتي هوما حياتي و والديا و داك الراجل لي منعرفوش و جامي شفتو حتى وحد النهار عيطلي سقساني كيف راكي قلتلو كنت وجه خير عليا و راني من اسعد النساء قالي مكانتك اكبر من مكانة لي راكي فيها دك قلتلو مفهمتش قالي قصدي تستهلي ما كثر قلتلو ربي يحفظك تعيش مي هكدا راني مليحة الحمدلله امبعد قالي حاب نقولك حاجة قلتلو تفظل امبعد قالي ادا تتزوجيني انا تبلو.كيت بقيت غير ساكتة مقدرتش نرجع و هو يقولي نادية نادية امبعد كو.بيت و طفيت تلفون بصراحة ملقيت منقول شويا هكدا عاودت شعلتو هو عيط ريبونديت امبعد قالي مجاوبينيش دك خممي و رجعيلي لخبر كوبيت و انا فرحانة و في نفس الوقت مصد.ومة عيطت ل نسرين حكيتلها كلش واش صرا معايا من الاول امبعد قالتلي معلباليش شكون قلتلها انا دك واش ندير قالتلي شوفي نتيا ادا حابة تعاودي حياتك ول لالا قلتلها مدا بيا مي مخممتش فالزواج كنت حابة نعيش غير لبناتي هدرت معايا نسرين و قالتلي بما انو دار معاك كامل هكدا باين راه حابك و يعوضك كامل فلي فات قلتلها نخمم و نشوف ، مهدرتش مع داك الراجل سمانة امبعد عيطتلو سقسى عليا امبعد قالي تقلقت وقتاش نسمع جوابك قلتلو شوف مع بابا قالي باباك ساهل راح نقنعو و كوبا ديك لعشية جات ديك المرا لي عاد جي عندي ، جات لدارنا حوست على يما قالتلها حابة نهدر معاك قالتلها خير ان شاء الله امبعد ديك لمرا قالتلها جيت على جال نادية كاين واحد ولد فاميلية ناس ملاح و راجل خدام و ووليد حلال حبو يناسبوكم ادا راكم قابلين هدري مع راجلك و رجعيلي لجواب باش يجو و قالتلها بعد يومين نرجع و راحت ماما هدرت مع بابا و بابا قال راي بنتي هو الصح كي رجعت المرا يما قالتلها مرحبا بيهم امبعد قالتها على سمانة راهم يجو و راحت، خمس دقايق عيطلي داك الراجل ديجا كان عندو لجواب قالي امالا راح نجو نخطبو و تشوفيني و انشاء الله كي تشوفيني و قالي نقولك من دك باش متنص.دميش انا ماشي شباب و بدا يضحك بصراحة انا كنت متشوقة باش نشوفو و بداتني الخلـ.عة و نر.جف قبل ميجو غدوة منداك بعثلي لبسة واش نلبس للخطبة لحق النهار لي يجو فيه نضت صبح لبست رحت للحفافة ودرت شويا مكياج و وجدنا كلش فدار و قعدنا نستناو فيهم…
اضفط هنا 👈الحلقة التاسعة و الأخيرة