الحلقة التاسعة و الأخيرة

#الحلقة_9والاخيرة
قعدنا نستناو فيهم و انا خا.يفة و نر.جف حتى وين سمعنا دقديق فالباب انا هر.بت لشمبرتي و و ندعي و نقول يا ربي خرجها على خير دخلو سمعت بابا يقوللهم مرحبا بيكم جوزو للصالون وقفت مع الباب و راني نسمع جاني صوت بعيد و بنتى تبـ.كي مفهمت والو بعد نص ساعة حتى نسمع وحدة قالت و العروسة وين راهي جاني الصوت هدا كشغل نعرفو قعدت نتفكر وين سمعاتو حتى وين زادت قالت عيطولها جي قلت سيبو هادي عرفتها هدا صوت نسرين مي قلت واش جابها هنا امبعد قلت بلاك حبت ديرهالي سور بريز ول ماما قالتلها ارواحي المهم دنيا خالوطة حتى جات ماما عندي قالتلي جوزي للكوزينة رفدي سنيوة تاع قهوة و ارواحي راهم يستناو فيك بصراحة انا نر.جف و خا.يفة قلبي خرج من بلاصتو امبعد قلتلها و نسرين واش راهي دير هنا قالتلي كي تجي تعرفي و راحت، درت شويا كوراج رحت للكوزينة رفدت سنيوة و جيت رايحة عندهم انا دخلت من باب تاع الصالون و حاطة راسي للأرض من حشمة حتى شفت نسرين شافت فيا و تبسمت قربت للطابلة باش نحطلهم القهوة رفدت عينيا شويا شفتو خو نسرين انا فشلت حطيتها مزدتش كامل شفت فيه و جيت رايحة لشمبرتي تبعتني نسرين و انا نبـ.كي و نقوللها علاش خبيتي عليا علاش كي سقسيتك مقلتيليش بلي خوك قالتلي صبري نفهمك هدا خويا من يما و باباه متو.في نهار شافك المرة الاولى حس بيك و قالي راح نساعدها بكلش و قالي بشرط متقوليلهاش و المرا لي كانت جي لعندك هاديك تخدم عندو و كان يبعثهالك حتى لوحد النهار قال نتزوج بيها و ماما قالتلو لي تريحك و انا قابلة لي تقولها راني معاك بما انو خويا دك راه عايش وحدو حب يتزوج و فظلك نتى بعدها رتحت شويا داتني غسلت وجهي عاودتلي المكياج و رحت عندهم قاعدة و راسي فالارض مرفدتوش جا مع يماه و راجلها و عمتو و نسرين بداو يهدرو على الشروط و انا غير ساكتة نطقت يمات الراجل قالت انا وليدي جمال هاد المرا راه حبها و شروطكم كامل مقبولين نطق بابا قالو انا شرطي الوحيد ان يتهلالي في بنتي و في احفادي جمال قالو على راسي و عيني عمي عبدالرحمان امبعد يمات جمال قالتلي و نتى بنتي ادا عندك شرط قوليه نطقت انا قلتلهم عندي شرط واحد قالولي واش هو قلتلهم اني نسكن قريبة لدارنا بسك ماما و بابا كبار باش مرة مرة نطل عليهم امبعد نطق جمال قالي ادا حبيتي نجي نسكن عندكم و بداو كامل يضحكو المهم قعدو حتى لعشية كي جاو رايحين عطاني خاتم و قالي
ارواحو معايا تشوفو داركم جديدة هبطهم للطابق لي تحتنا رحنا كامل معاهم نشوف الدار غير دخلنا يما بدات تزغرت و حنا نضحكو و كانت فرحة لا توصف جاو سكنو معانا ولاو جيراني حبست الخدمة راجلي جمال هو يخدم و انا نربي فى بناتي و زاد عندنا طفل سميناه أيوب و حمدت ربي و شكرتو على هاد النعمة لي راني فيها بعد معانات……النهاية
اعطونا رايكم في القصة 🤍🤍